monumenta.ch > Plinius > sectio 134
Word Selection for Searching
Report an Error in this Sectio
Plinius, Naturalis Historia, 17, 134
{XXX} ergo tria tempora eadem germinationis, ver et canis arcturique ortus. neque enim animalium tantum est ad coitus aviditas, sed multo maior est terrae ac satorum omnium libido, qua tempestive uti plurimum interest conceptus, peculiare utique in insitis, cum sit mutua cupiditas utrimque coeundi.